"There's something in a' this," said Mrs. Saddletree, looking after him
as he walked up the street; "I wonder what makes Mr. Butler sae
distressed about Effie's misfortune--there was nae acquaintance atween
them that ever I saw or heard of; but they were neighbours when David
Deans was on the Laird o' Dumbiedikes' land. Mr. Butler wad ken her
father, or some o' her folk.--Get up, Mr. Saddletree--ye have set
yoursell down on the very brecham that wants stitching--and here's little
Willie, the prentice.--Ye little rin-there-out deil that ye are, what
takes you raking through the gutters to see folk hangit?--how wad ye like
when it comes to be your ain chance, as I winna ensure ye, if ye dinna
mend your manners?--And what are ye maundering and greeting for, as if a
word were breaking your banes?--Gang in by, and be a better bairn another
time, and tell Peggy to gie ye a bicker o' broth, for ye'll be as gleg as
a gled, I'se warrant ye.--It's a fatherless bairn, Mr. Saddletree, and
motherless, whilk in some cases may be waur, and ane would take care o'
him if they could--it's a Christian duty."
"Very true, gudewife," said Saddletree in reply, "we are _in loco
parentis_ to him during his years of pupillarity, and I hae had thoughts
of applying to the Court for a commission as factor _loco tutoris,_
seeing there is nae tutor nominate, and the tutor-at-law declines to act;
but only I fear the expense of the procedure wad not be _in rem versam,_
for I am not aware if Willie has ony effects whereof to assume the
administration.
Pages:
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120