A ike keia, hoi aku la a ia Laieikawai, ninau mai la ke Alii.
Hai aku la kahi kahu i kana mea i ike ai, mamuli o ka ninau a ke Alii,
"Ia'u i puka aku ai mai ka hale aku nei, ike aku la wau he ahi e aa mai
ana, hele aku nei wau a hiki, a ma ke kaawale ko'u ku ana aku, me ka ike
ole mai o lakou la ia'u. Aia hoi, ike aku la wau he mau kaikamahine
elima, e noho ana a puni ke ahi, he mau kaikamahine maikai wale no
lakou, ua like wale no na ano, hookahi nae o lakou wahi mea uuku loa, a
nana ka mea kani lealea a kaua e lohe aku nei."
A lohe ke Alii i keia mea, olelo aku la oia i kona kahu, "E kii oe a
kahi mea uuku o lakou, olelo aku oe e hele mai ianei, i hana mai ai oia
i kana mea hoolealea imua o kaua."
A no keia olelo a ke Alii, hele aku la kahi kahu a hiki i kahi o na
kaikamahine, a ike mai la lakou i keia mea, hai aku la oia, "He alele
wau i hoounaia mai nei e kuu Alii e kii mai i kekahi o oukou e like me
ka'u mea e manao ai e lawe, nolaila, ke lawe nei wau i kahi mea uuku o
oukou e hele e launa pu me kuu Alii e like me kana kauoha."
A Iaweia aku la o Kahalaomapuana, alaila, ua hoohauoliia ka naau o kona
mau kaikuaana, no ka manao no e loaa ana ka pomaikai mahope.
Pages:
522
523
524
525
526
527
528
529
530
531
532
533
534
535
536
537
538
539
540
541
542
543
544
545
546